Sairê Dêsımi (Gımgım) Alex Çelik ra, ju dı qulpi helbestê Zonê Ma/Kırmancki.

Author editor

Asmen Ercan Gür has written 906 post in this blog.

“Sairê Dêsımi (Gımgım) Alex Çelik ra, ju dı qulpi helbestê Zonê Ma/Kırmancki”
 
Ez vızer ra van
Meşte rê tîjîya şodır urzena ra
Tenık tenık, huyayîş rûye to ceno
Tîjîya zerre mı urzena ra
 
Gulê usarî bêne ra
Çevere zımıstan dıma
Vengê mı şîîra mı de gulbang dano
Koya ne welate mı sera
 
Tı jû waxt nîya
Her waxtê mıde ra
Waştîya mı…
 
*
“Ez gımgım de dewa segıre de ama dınya. Hone dewê de ra weşîya xo de qê fırqe neken wertê şara. Her kes pêro gore fîkrê mı jû mıre, Pe kes ra qese ne kena. Zonê ne ma sera xo verdano. Zonê mıra boya maya mıno mı tame şıtê maya xo, xo vîra kerd; zonê maya xo xo vîra nekerd. Cuya xode komê kı tabîî de kulturê raştîya xo sera îna ra zaf hes ken. Zonê Ma de kıtaba wendene ra hes ken. Şîîra nıvısne ra, kaye sîye ra kaykerdene ra. Nıvısne ra has ken; seba huyayîşe domane tîyatro ra… Alex (Sedat) Çelik.
*
Çıla Zerre Mı
 
Şîlîya kı, henî vare
Henî tı mıra
Gureta berda
Ez her şîlîye de
 
Henî merda tore
Tı bîya laser day dı
A yê to gureta berda
Mıra vısna tı
 
Dera to rê veng vazna ra
Ez henî berba merda tore
Kesî to dıma
Hesîrê çıma ne mı,
 
Pê neguretî
Henî dej dano arê
No royê cane mı kî
Xezıla ewro şandî kî
 
Xezıla meştê şandî kî
Xezıla şande kı
Rew verde ra kî
To dıma
 
Hesîrê çımane mı
Jû pê bugurêtenê
Zerrîya mı de hega bî khewe
Dejê hesîra ne çımane mı de
 
Henî zerrîya mı qefelîya kı
Na bêvengîya mı de
Şîlîye kı tı gureta berda
Mıre her ca bî bêveng
 
Bê to mırê kesî hesîre
Çımane mı pê neguretî
Zerre çıma ne mı de
 
Alex Çelik
 

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

This site uses Akismet to reduce spam. Learn how your comment data is processed.

91 kere okundu

Gülengül Üsdtündağ; “Yetiş Pirim”