Sayirê Ma, Mehmet Çetin, ewro (9.11.2020) şi Heqiya xo!

Author editor

Asmen Ercan Gür has written 920 post in this blog.

Hêfê domanunê Dersimi ke, tayê kowu ra kişay, tayê hepısu de poyay, işkencê zalumu de dezê gırani onti…. Hawar Tornêcengi

Sayirê ma Mehmet Çetin ewro (09.11.2020) şi Heqiya xo!

Rama Haqi şêro´ro cı; dewrê xo dayim vo!..

Mehmet Çetin kamo?

Sayir u nustoğo qedırgıran, 1’yê asma payiza wertene, serra 1955 de Dersim-Vacuğe (Ovacık) de ame dina. Bursa de mektevo berz wend. Serra 1981’e de Ostamol de gına hepıs ro, 8 serri hepıs de mend, dez u işkencê gırani di. Ey hepıs de kılami (şiiri), hêkati, nustey nusnay. Kıtavê xuyo vıreno ke hepıs de bi vejiya. Serra 1990 ra nat Amsterdam de weşiya xo rameno.

Berhemê xo:

Bıra Memed; heya je vatena tuyo; tu Zonê Ma re, ma ki torê dêndar mendime! (editör; çilagazete)

* Rüzgâr ve Gül İklimi (1988),

* Birağızdan (1989),

* Hatıradır / Yak Bu Fotoğrafı (1995),

* Aşkkıran (1997),

* Ölüm Kitabı (1999),

* Kekemece (2000).

* Hêkate: Asmin (1991).

* Arêkerdis: Eylül Çiçekleri (ortak kitap, 1990).

* Suredar (zazaki/k+rmancki kılami-şiir)

Nustê xo:

* Yaba u Kunduz düşleri de vejiyay.

*Vejiyayişê ZED (Yayınları) u Ütopiya sanay pê, redaktorênia Ütopiya kerde.

* Kılam u hêkatê xo çarniyay ve hollandki, almanki, ingilizki, fransızki, italiyanki, ruski.

* Kılama xuya “Birağızdan” halêta “Enver Gökçe Şiir ödülü” u hêkata xuya “Asmin” haleta “Güneş gazetesi” gurete.

Tayê kılamê xo ki hetê şinatkaru ra; jê; Jazz Piya (Necati Teyhani, Yılmaz Çelik, Ali Haydar Can ra albumunê muziki de amey vatene:

BÊBEXTİYE

Piyê mı, tı oca de zê jü koy, merdayina xo bıpine

Kırmanciyina xo bıpine, hagora xo, wayira Dersimi

Warê xo bıpine, verê koy de, hêgayê xo, marabayina xo

Xovıra meke, tı ancia koyê Muzıri ra Xızırê xo bıpine

Veng u vac çino ke, bıberbê serba bêbextiyina mı

*

Piyê mı, tı oca de zê jü koy merdayina xo bıpine

Tı; zê tikma reze, tı; zê koyê berzi bıpine oca de

Milçıkanê bırri bıpine, çhemê xo, mezela khalkê xo

Eke rızna serê sıma; çê xo, çê ciranê xo bıpine

Vılê xo çewt meke, zerê meerze, serba bêbextiyina mı.

*

Piyê mı, tı oca de zê jü koy, merdayina xo bıpine

Zê roca payızi, zê varısê amnani ame şi omrê to

Qê kêm nêbiye, hêştiriyanê tora hesreta to ocara

Vana ke, daha bêveso wele bıro (bo) bıqediro(bıqediyo) nu welat de

Kê (çê) mano(mao) bêwayir bıberbe serba bêbextiyina mı

Piyê mı, tı oca de zê jü koy merdayina xo bıpine.

________________

Mehmet Çetin

Kıtabê Surêdar’ra..

***

DÊNDAR

Ez torê na zerya xo rakeri

Bê, torê dezanê xo vaceri

Xele waxt teyna nalê zerya mˈ

Ustına çê mı rıjiye bêto

Dêndarê tuyo, ez torê mınetu

*

Meymana Xızıriya, tı ospara

Hewnê mıde fetelina

Gulaa, tı boa gula usariya

Serê mıde çerexina

*

Ez torê ni baxçê xo rakeri

Bê, torê kılama xo vaceri

Esqê ni dem u dewrani tiya

Roştiya m’ tiya, tariyê dina de

Dêndarê tuyu, ez torê mınetu

Mehmet Çetin, Firik Dede ile.

*

Meymana Xızıriya, tı ospara

Hewnê mıde fetelina

Gula, tı boa gula usariya

Serê mıde çerexina

____________________

Qese: Mehmet Çetin

Vatoğ: Ali Haydar Can

Aranje: Muharrem Akgün

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

This site uses Akismet to reduce spam. Learn how your comment data is processed.

101 kere okundu